Mitt oman gjøgnum dalin gongur Áargil. Hetta skiftir tó, tá tað kemur longur oman at húsunum. Her verður tað kallað : Norná og longur niðri Undir Bekki. Áargil verður tað kallað, tí tað er dannað sum eitt gil við høgum bakka hvørjum megin við. Annars rennur so nógv vatn har, at heldur átti at verið kallað ein á. Hetta hava teir gomlu nokk hugsað um, tá teir hava drigið bæði orðini saman og kallað tað Áargil. Henda á skilir Norðanágarð og Sunnanágarð at.