Ognarmørkin í Kollafirði

Í Kollafirði er einans ognarmørk. Hon liggur í Todneshaganum. Søgn er um, hvussu tað bar til, at henda mørk er einsamøll ogn av teimum 51 mørkunum í bygdini.
Tað var einaferð í tí myrkasta tíðini í Føroyum, tá danskir embætis menn ferðaðust um landið til at leggja jørðina undir kong, at ein sorinskrivari kom til Kollafjarðar at halda ting (tingstaður var í Kollafirði). Á tinginum kravdi hann, at øll jarðarbrøv vórðu latin honum upp í hendur, tí tey vóru ikki í gildi longur. Hann fekk so hendur á øll jarðarbrøvini og brendi tey á tinginum; men í tí hann koyrdi tey í eldin, rullaði eitt út í eitt horn á grúgvuni. Ein gamal húskallur sat á bríkini við grúgvuna, og hann var nóg knappur til at snippa hetta brævið til sín, so hin ikki ansaði tí. Tað brævið ljóðaði uppá eina mørk í Todneshaganum, og tað er einasta ognarmørk í Kollafirði. Hinir fingu aldri nøkur ognarbrøv aftur - teir fingu festibrøv í staðin fyri.
 
Kelda: Jens Chr. Djurhuus, á Heyggi, Kollafjørður í Varðanum bind 14 á síðu 188.
 
Sorinskrivarin, N. Andersen, skrivar í Færøerne 1600-1709 eisini um hesa hending frá Schrøter

Í Kollefjord havde Biskoppen Panteforeskrivninger paa Odelsjorden, men da de gejstlige Indtægter bleve registrerede, indleverede alle Pantedebitorerne paa en Mand nær Kvitteringer for, at Gjælden var betalt.. Disse Kvitteringer skjønnedes imidlertid at være falske og brændtes, og da Debitorerne ikke kunde indfri Pantegjælden, gik Odelsjorden over til Kronen som Kongsjord. Den mand, der havde tilbageholdt sin Kvittering, havde pansat 1 mk. Jord; hans Kvittering erkjendtes for ægte, og den Mark Jord, han ejede, vedblev derfor at være og er endnu den eneste Odelsjord i Kollefjord.

Í viðmerkingunum til søguna skrivar N. Andersen: Historien er noget anderledes fortalt i Antikv. Tidsskrift 1849-51 S. 164. Schrøters Gjengivelse er den ældste og den, der mest bærer Paalidelighedens Præg; thi hvad det ved denne Lejlighed maa have drejet sig om, er Panteforskrivninger, ikke Skjøder, der til hin Tid vara ukjendte paa Færøerne.