Hvat virði hevur seyður?

Landbúnaðarframleiðslan í Føroyum liggur um góðar 90 mill. um árið, ið svarar til 1 % av bruttotjóðarúrtøkuni. Í stórum er talan um seyð og mjólk, sum hava størsta týdningin.

Siga vit, at vit fletta 70.000 seyðir um árið, so svarar hetta til eini 950  tons og tá kg. prísurin liggur um kr. 100,00 so er talan um stóra upphædd í sær sjálvum.

Búnaðarstovan hevur í síni kanning mett, at seyður gevur ein 35 mill. - nakað tað sama, sum mjólkin gevur.
 
Eg havi roynt at uppsett nakrar mátieindir, sum verða nýttar í samband við seyðahald. Viðmerkjast skal at hetta eru gamlar mátieindir, men verða stundum havdar frammi, kanska serliga undir fletting.

Mørk verður nýtt sum mátieind í samband við vekt, viðvíkjandi hagavídd, viðvíkjandi vídd av innangarðsjørð o.a. Tó kann áseyðatalið uppá hvørja mørk vera heilt ójavnt bygd úr bygd.

• Ein mørk av jørð er 16 gyllin
• Ein gyllin er 20 skinn
• Ein áttatiál av jørð er fjórðingsmørk (4 gyllin)
• Ein mørk er umleið 250 gramm (eitt hálvt pund)
• 4 merkur av tálg er 1 kilo
• Vetrarfóður til eina kúgv verður roknað til umleið 30 byrðar
• Ein byrða av hoyggj er 100 pund (50 kilo)
• Ein byrða av hoyggi er 8 leypar
• Eitt rossafrælsi svarar til 7 ærsfrælsir
• Eitt skinn er 4 merkur
• Eitt bismarapund av tolg er 24 merkur
• Í seyði eru 24 stykkir
• Í krovi eru 20 stykkir
• Eitt stykki av skerpikjøti svarar til ein lomviga ella 3 lundar
• Ein havgás svarar til eitt gimburlamb
• Fýra turkaðir gásakroppar svara til eitt skerpikrov
• Fyri hundahvølp svarar eitt krov

Aðrar eindir og sín á millum virði:

• 5 lundar= 1 vørða, í virði sum
• 2 lomvigar= 1 kneppa, í virði sum
• 3 álkur= 1 tyssi ella álkutyssi, í virði sum
• 7 rytur