Búnaðarstovan farin undir skráseting av royndum við seyði

Búnaðarstovan er farin undir skrásetingar av royndum, við seyði, sum verða gjørdar í Heygshaga í Kollafirði. Tað er Hjørdis H. Jensen, búfrøðikandidatur, sum stendur fyri hesum royndunum.

Skrásetingar verða gjørdar av ymiskum framleiðslu eginleikum í haganum. Fyribils er bert gjørd av syðstu gongu í Heygshaganum í Kollafirði og tað er haðani frá, at vit síggja úrslitið, sum verður víst í hesi grein. Talan er um ymiska fóðring uppundir brundtíðina.

Eisini er í umbúna at royta lomb í áseyðaroytingini. Royndirnar eru gjørdar av gott 50 áseyðum í 2011.

Meðan kvidnu gemlingar vóru inni, var farið á bøin tá restin av seyðinum kom á bøin áðrenn lembing. Eftir skanning komu tvílemburnar á bøin og sum fingu kraftfóður afturat. Allur seyðurin var á bønum áðrenn lembing og fingu súrhoyggj og kraftfóður hvønn dag.

 
Hjørdis H. Jensen, búfrøðikandidatur. (mynd: Jónheðin H. Tróndheim) 

Neyðugt er at merkja lombini sum nýlemd, og krevur hetta nógv arbeiði og tekur nógva tíð. Skrásett verður tal, kyn og vekt á lombunum.
Eisini verður vektin skrásett í áseyðaroyting, men er hetta ikki galdandi í 2011.
Tá vektin verður skrásett um heystið, so verður tað gjørt meðan seyðurin er livandi og so eisini eftir slátur.
Niðanfyri síggja vit tær skrásetingar, sum higartil eru gjørdar.

Skrásetingar

ikki viðgjørt hagfrøðiliga

 

	Nýlembd (gram)	Heystvekt (kg)	Sláturvekt (kg)	Slatur %	N
Gimburlomb	3693	37,9	15,1	39,6	32
Veðurlomb	3910	44,4	16,0	36,2	36
Einlembulomb	3908	43,7	16,5	38,5	34
Tvílembulomb	3720	39,1	15,0	25,9	34
Miðal	3808	41,5	15,7	37,3	68
N	64	52	24	23	68

 

Lambatalið fyri syðstu gongu var 1,2 lamb pr. áseyð.
Talvan vísir 45 ær, ið vit vita aldurin á og sum hava lembt.

Aldur	Nýlembd	Heystvekt	Lambatal pr. ær	N
Ár	gramm	kg		Tal av óm
1	2953	39	1	6
2	3674	41,8	1,3	8
3	3863	46	1,2	10
4	3719	41,2	1,6	10
5	3853	40,3	1,4	5
6	3870		2	1
7	4756	44,8	1,3	4
8	4105	35,5	2	1

 

Vøksturin í miðal er 255 g/dag.
51 lomb har bæði føðivekt og heystvekt er skrásett.
Tvílembulomb miðal 239 g/dag.

Miðal vøkstur pr. dag á veður- og gimburlombum fram til slátur:
Gimburlomb	230 g/dag	einlembulomb	245 g/dag
		tvílembulomb	206 g/dag
Veðurlomb	278 g/dag	einlembulomb	302 g/dag
		tvílembulomb	257 g/dag

 

 Vøkstur í mun til aldur í døgum. Lombini vóru millum 139 og 154 dagar gomul.

 
 
 

Vakstrarkurva 

 

 

Flushing – góð fóðring áðrenn lembing

 

Seyður skal helst hava hold 3-3,5 í brundtíðini (Ranvig, 1998; Robinson et al 2002).
Um seyður er ov ille fyri (<2) ella ov væl fyri (>3,5) nyttar einki at økja um fóðurstyrkina (Robinson et al. 2002).

 

 

Mánaði	Virksemi
okt/nov	bólka, viga, holdmeta
november	flushing, fóðring av royndaróm
1. desember	brundar út
februar	skanna allar ærnar
apríl	viga/holdmeta royndarær
mai	lembing, viga og merkja øll lombini

Viðgerð

Viðgerð	A	B	C	D
Fóður	Tað, ið er at bíta í haganum	Tað, ið er at bíta á bønum	Tað, ið er at bíta á bønum + seyðafóður	Turt hoyggj úr Íslandi + seyðafóður
Stað	Heygshagi í Kollafirði	Bøurin sunnan fyri Búnaðarstovuna	Bøurin sunnan fyri Búnaðarstovuna	Krubba inni á Búnaðarstovuni

Skanning 2011

Einans í tveimum førum var galið við tal av lombum. Mett 1 lembdi 2.
Tvílemba: Gult á rygg
Einlemba: Gult á skallan
Geld:

 

 

Úrslit 2011 & 2012

Flushing: Samlað úrslit fyri bæði árini og skulu takast við fyrivarni.

Bólkur	miðalvekt við byrjan, kg.	Miðal hold við byrjan	Broyting í vekt (kg)	Broyting í hk	Lambatal
A	54	2,4	1	0,2	1,6
B	54	2,6	-5	0,1	1,5
C	56	2,6	-4	0,2	1,7
D	53	2,6	-5	0,2	1,1

 

Niðurstøða

Hjørdis H. Jensen tók at enda samanum og helt fyri, at sjálvsagt ber ikki til at siga so nógv eftir einans hálvum øðrum ári við slíkari royndum, men við hesum er ein skráseting byrjað, sum kemur at liggja til grund fyri víðari royndum á økinum.
Í hesum liggur eisini, at broytingar altíð skulu gerast líðandi so seyðurin fær tilpassað seg.
Góðar skrásetingar geva týdningarmikla vitan um okkara seyðaslag.

 

mars 2012.