23. februar 2013.

Á grannastevnu í markatalsbygdini í Sumba tann 23. februar 2013, varð soljóðandi samtykt gjørd:
 
 
- veiða eftir lunda í markatalsbygdini Sumba verður framyvir bannað í eitt ár í senn - fyrstu ferð fyri árið 2013, tó undantikið tøku av einstøkum fuglum eftir samráð við Havstovu Føroya.
 
Viðtøkurnar eru gjørdar við heimild í § 1 í løgtingslóg nr. 170 frá 18. mai 1937 um grannastevnur.
 
Sýslumaðurin fyri Suðuroyar sýslu
 
 
Jaspur Vang, sýslumaður.
 
 
 
Á grannastevnum í markatalsbygdundum Froðba, Trongisvágur, Øravík, Fámjin, Hov, Porkeri, Nes og Vágur, har veiða eftir lunda ikki fer fram, varð málið um lundaveiðu viðgjørt, men varð lítil og eingin áhugi fyri málinum. Samanumtikið varð tí eingin viðtøka gjørd fyri hesar markatalsbygdirnar.