Grindaleys ár

Síðan 1584 hava vit skrásett okkara veiðu eftir grindahvali og tí ber til hjá okkum at síggja, nær grind hevur verið í teim ymisku plássunum í Føroyum. Seinnu árini eru fleiri upplýsingar knýttir at tølunum, so vit neyvari kunnu siga frá um kyn, stødd og hvussu skiftið er farið fram.

Í løtuni verður arbeitt við neyvari tølum um grind og verða hesi løgd út á heimabeiti.fo tá tey eru tøk. Onkur hevur spurt, um grind hevur verið hvørt ár síðani 1584. Til tað er at siga, at vit hava nógv grindaleys ár og viðhvørt fleiri samanhangandi ár, har eingin grind hevur verið. Síðani 1928 hevur grind verið á hvørjum ári.

Ætlanin er, at seta grindaleysu árini upp og helst fáa knýtt ein søguligan part afturat árunum, so vit kunnu fáa nakrar ábendingar um, hví vit hava grindaleys ár. Orsøkirnar eru ikki kendar, men onkrar ábendingar kunnu vera, sum vit eiga at kanna nærri og eisini kanna eftir, um skrásetingin kann hava svikið okkurt ári. Manglandi skráseting kenna vit eisini t.d. frá kirkjubókini í Suðuroy, har 19 ár eru farin uttan skráseting í Hvalbiar sókn. Men áhugavert at kanna víðari.Tað er tó ein verkætlan fyri seg.

Tølini sum vit hava, vísa hesi grindaleysu ár:

• 1585, 1586, 1587, 1589
• 1601, 1603, 1604, 1605, 1606, 1607, 1608, 1609, 1610, 1611, 1612, 1625, 1627,1631, 1632, 1633, 1634, 1636
• 1639-1665 í 27 ár
• 1664-1708 í 31 ár
• 1740, 1742, 1745, 1750, 1751, 1753,
• 1755-1769 í 15 ár
• 1771, 1772, 1773, 1774, 1775, 1777, 1778, 1779, 1780, 1783, 1784, 1785, 1786, 1788, 1789, 1790, 1791
• 1890, 1891
• 1901, 1924, 1927
• 2008

Síðani 1928 hevur grind lagt beinini á hvørjum ári uttan í 2008, tá eingin grindahvalur var hildin til.