Hagamark í Suðuroy - skal broytast tá punktuppstillingin ikki virkar á sama hátt sum við vanliga word í gamla heimabeitinum.
 
Tvídráttur um mark bæði millum bygdir og millum hagapartar í bygdum í Føroyum hevur ikki verið sjáldsamur, serliga áðrenn hagalógin av 23. februar 1866 kom í gildi.
Í hesi lóg varð ásett, at menn, sum vórðu valdir á grannastevnu ella útnevndir av sýslumanninum, saman við honum skuldu eina ferð á 10da hvørjum ári ganga um mark. Hvussu markini vórðu ávíst fyri o.u. 70 ár síðani, kann vera forvitnisligt og kanska til nyttu fyri onkran; her skal verða sagt frá hagamarkum í Suðuroy.
Fyri hvørja bygd er nevndur dagurin, tá ið gingið er um mark. Ein stytting, sum ofta verður nýtt, er g.t. fyri "grótvarða við torvøsku undir" og g.ø. fyri "grótvarða við øsku undir".
Ættirnar frá norðri og sólarrætt eru styttar til n., ln., eyst., ls., s., úts., v., útn. Lesarnir verða bidnir um at bera yvir við útg., um staðarnøvn og annað skuldi verið skeivt, og rættleiðing verður móttikin við tøkk.

Fámjin 8. februar 1867

Markini vórðu funnin at vera:

  1. Millum Botnhaga og Trongisvág: Tranturin í Brimgjógv upp til Kúnna hvítu til Nasan í Galvinum, so suður mitt eftir fjallinum; frá Klettinum til kjaftin í Kirkjugili, so eftir gilinum í bakkan.
  2. Millum Fjallið Mikla og Øravík: Eystantil á Sandinum í Valdaskarð, eftir "Skøvuni" í eystara kletti í Klovið, so eftir brekkuni á "Móshamri".
  3. Millum Miðhaga og Øravík: Eftir brekkuni á "Móshamri" í Marknakelduna, frá Marknakelduni í endan á Svarthamri, eftir eystaru røð á Nónfjall í Laðanfelli.
  4. Millum Miðhaga og Hov og Porkeri: Frá Laðanfelli í Melanskarð eftir røðini,
    so eftir røðini í Vognarygg.


    17. september 1868

     
    Markini vórðu funnin at vera:
     
    Millum Fløthaga og Hamrahaga: Toppurin á Gloprókini norður eftir fjallarøðini í Høgøksl, so í útn. mitt eftir økslini í ovasta kneys, so kneys av kneysi niður í Reyðabakka, úr bakkanum gilið í sjógv. Tveir g.t. vórðu settir, annar vestast á Høgøksl og hin í Reyðabakka til at vísa á gilið.
    Millum Hamrahaga og Miðhaga: Úr toppinum á Vognaryggi niður á Hvannhamar, so í klettin á Kerinum (útn.), haðani í hamarin sunnan Sigmundarfoss (l.n.), so niður í garðin á Fit (l.n. - ln.n.), so garðurin í ánna miklu og áin til bøin. 4 g.t. vórðu settir, ein á Hvannhamri, annar á klettinum, triði sunnan Sigmundarfoss og fjórði við garðin á Fit.
    Millum Fjallið Mikla og Rókhaga: Mitt av sandinum í Valdaskarð, mitt í skarðið, so niður í ánna á Sandi (v.), áin í vatnið (v. - ús.v.), so áin úr vatninum til bøin. Ein g.t. varð settur í rókini undir skarðinum til at vísa á leiðina frá skarðinum í ánna á Sandi.
    Millum Miðhaga og Hamrahaga í Fámjin og Botnhaga og Bjarghaga í Vági: Frá toppinum á Borgarknappi eftir røðini í toppin á Gloprókini.
    Millum Fløthaga í Fámjin og Bjarghaga í Vági: Av toppinum á røðini á Gloprókini í Snørdastein (v. - ú.s.), so í norðara endan á Tjómannsbrekku (v. - ú.s.), haðani á túgvuna norðantil á Gásadalsgjógv, so gjógvin í sjógv. 3 g.t. vórðu settir, ein við Snørdastein, annar á brekkuni og triði á  túgvuni

  5. 6. desember 1870

          
 Markini vórðu funnin at vera:
 
Millum Rókhaga í Fámjin og Dalshaga í Øravík: Frá varðanum á sandinum í Valdaskarði upp í Klov til Marknagjónna. Ein g.t. varð settur á Klovanum til at vísa á marknaleiðina.
Millum Rókhaga í Fámjin og Hvannhaga í Trongisvági: Frá Marknagjónni vestur eftir eystaru røð í hæddina oman Mjóstíggj.
Millum Rókhaga og Múlhaga í Fámjin: Frá hæddini oman Mjóstíggj niður eftir røðini í Knúkaskarð, so niður í klettin heiman Knyklarnar, so í Garðagil og gilið í sjógv. 2 g.t. vórðu settir, annar í Knúkaskarði og hin á klettinum heiman Knyklarnar.
Millum Múlhaga og Botnhaga í Fámjin: Frá klettinum sunnan skarðið á fjallinum, har 22. mai 1869 varð settur grótvarði, til Kirkugil og gilið í sjógv. Ein g.t. varð settur í Kjaftin í Kirkjugili og annar, til at vísa á leiðina, á Lítlubrekku.
Millum Múlhaga í Fámjin og Ranghaga og Hvannhaga í Trongisvági: Frá klettinum sunnan skarðið á fjallinum í toppin á Glugganum (móti Ranghaga), haðani suður eftir røðini í hæddina oman Mjóstíggj.
Millum Fjallið Mikla og Miðhagan í Fámjin: Frá  varðanum mitt á Fjallinum Mikla, sum eisini er marknavarði fyri Vestur í Haga og Øravík, í skarðið sunnan Snævalsheyg, niður í niðara enda á "Moskragili", niður í Jomfrústíggj, so niður í Traðarfoss. Til at vísa á leiðina frá Jomfrústíggj til skarðið vórðu settir 4 g.t., ein á Jomfrústíggj, annar á Hjøllum, triði á skarðinum og fjórði sunnan Snævalsheyg.
Sunnbøur 14. februar 1867.
 
Markini vórðu funnin at vera:
 
 
Millum Lopranshaga og Tórishaga og Lambhaga í Vági: Marknagarðurin á Lopranseiði.
Millum Lopranshaga og Leitishaga: Frá steinum í Innrættini til ryggin á Byrgishorni, úr rygginum beint upp í Siglufelli.
Millum Lopranshaga og Víkahaga: Frá Siglufelli mitt eftir røðini í bakkan í Hálsbrúgv.
Millum Lopranshaga og Skúvabøli: Frá bakkanum í Hálsbrúgv í Skúvabølshamar, so í Spinarnar.
Millum Lopranshaga og Húshaga: Eftir garðinum.
Millum Leitishaga og Lopra: Frá steininum í Innrættini upp í fossin vestan fyri ryggin í Byrgishorni, frá fossinum til steinin á Geldingardali mitt yvir um lánna til mitt á røðina.
Millum Leitishaga og Víkahaga: Mitt eftir røðini á Siglufelli í Leitagil.
15. september 1868
 
Markini vórðu funnin at vera:
 
Millum Blæing heimast og Húshaga: Úr Lambastíggj í Línhúsið; úr Blæingsskarði út eftir fjallinum, so niður í Lambaklett, so (í úts. - sun.) niður í Giljará, so áin í sjógv. 2 g.t. vórðu settir, annar á Lambakletti og hin við Giljará. Landbúnaðarkommissiónin avgjørdi 4. juli 1940, at tann parturin av Húshaga, sum liggur í ls. fyri leiðina frá røðini oman fyri Lambaklett til varðan við Giljará og eftir hesi ánni í sjógv, einans er fyri seyðin í Blæing heimast, og at hesin hagin tí ongan rætt eigur til at girða nakran part av Húshaga.
Millum Blæing heimast og Blæing mittast: Úr Blæingsskarði í Hvassatúgvur, so í Snórygg, haðan í steinin í Innrættini. Til at vísa leiðina (í ls. - eyst.) vórðu settir 3 g.t., ein á skarðinum, annar á túgvuna og triði á Snjóryggi.
Millum Blæing mittast og Blæing vestast: Mitt úr Knúkanum niður í Knúkheyg, so niður eftir Reykinum í Stíggjheyg, í somu leið (í ls. - eyst.) niður í hamarin á Stíggjanevi, so beint niður í gjónna. 2. g.t. vórðu settir, annar á Stíggjheygi og hin á hamrinum á Stíggjarnevi.
Millum Blæing mittast og Húshaga: Garðurin oman eftir røðini, so upp í toppin á Knúkanum.
Millum Blæing vestast og Húshaga:  Úr toppinum á Knúkanum mitt niðan eftir eggini í røðina á Akslaenda, so røðin norður í Gilið.
Millum Blæing vestast og Mýrar heiman Rygg: Úr røðini Gilið niður í Ovaru Gjógv, so áin í sjógv, tó soleiðis, at Mýrar hava sama rætt til at nýta Mýrabergi sum áður.
Millum Mýrar heiman Rygg og Mýrar norðan Rygg: Úr berginum norðan til á Gøtustíggj í ennið á røðini (í útn.), so í klettin undir tindinum. Til at vísa á leiðina vórðu settir 3 g.t., ein norðan Gøtustíggj, annar í enninum á røðini og triði ovari á enninum.
Millum Mýrar og Hamrahaga: Mitt eftir fjallinum.
Millum Mýrar norðan Rygg og Hólmsskorar heimaru: Av  Bergi niður í Mittfossin á enninum (í ls.), hiðani í klettin á Fløtumýru (eysth. ls.), so í bakkan norðan til Flatamýrisgjógv (nakað eystari). Til at vísa á marknaleiðina vórðu settir 4 g.t., ein á Bergið, annar á Mittfossi, triði á klettinum og fjórði á bakkanum.
Millum Hólmsskorar heimaru og Hólmsskorar norðaru: Úr varðanum á skarðinum á Horninum eftir 2. g. í kelduna undir Horninum (v. - ey.), so sama vegin í rættina við bakkan.
Millum Holmsskorar heimaru og Hamrarhaga: Mitt eftir fjallinum.
Millum Hólmsskorar norðaru og Hamrarhaga: Úr Mittklettinum norðan Hornið niður í Varðagil (útn. v.), so eftir gilinum ella ánni í sjógv. Niðri við sjógvin rennur áin meira eystureftir. Til at vísa á marknaleiðina vórðu settir 2 g.t., ein á Mittklettinum og annar heiman ánna í Mittrókini.
Millum Skúvabøli og Mýrar: Mitt eftir røðini á Spóvafelli.
Millum Uttara Húshaga og Skúvabøli: Mitt eftir Spóvafelli, so eftir røðini í Spinarnar.
Millum Skúvabøli og Víkarhaga vestast: Mitt av Hálsinum í bakkan í Rangagjógv, so áin oman í Kríllheyggin (v. - eyst.).
Millum Víkarhaga vestast og Hamrarhaga: Áin frá Kríllheyggi í sjógv.
16. september 1868
 
Markini vórðu funnin at vera:
 
Millum Hamrahaga og Skúvabøli: Frá heimaru røð á Spóvafelli til Hóaklett vestara (ln. - ey.), so í niðara Hósaklett (n. - útn.), so í Kríllheygg. 6 g.t. vórðu settir, ein á hvørt staðið, sum nevnt her.
Millum Víkarhaga vestast og Víkarhaga miðjan:  Marknagjógvin í Vátastíggj, so upp í Kátakneys (útn. - n.), so í Hattarstein, haðan eftir Kneysarøðini á vestasta Kneysi (v.), so upp í "Lovfastaklett" (útn.) 3 g.t. vórðu settir, ein á Kátakneysi, annar við Hattarstein og triði á vestasta Kneysi.
Millum Skúvabøli og Uttan Á í Lopra: Mitt á Hálsinum upp av bakkanum í Hálsbrúgv, so mitt upp eftir Kýrryggi í klettin við vestara enda á Skúvabølshamri, so beinan vegin í Spinan (vestara) (s.). Á Hálsinum varð settur g.t.
Millum Uttan Á í Lopra og Kyrrvík í Lopra: Lopransá frá sjónum upp í Fossarnar, so eftir ánni upp á Kassin við Kýrryggsenda, har ein g.t. varð settur, so upp (s.) í Støðuna undir Hesti, so beint upp á røðina til garðin (s.).
Millum 4 í Lopra og Húshagan: Mitt av vestara Spina garðurin út á eggina.
Millum Vík vestast og Loprans- og Leitishaga: Frá Kýrryggsenda mitt eftir Hálsinum og so mitt upp í Siglufelli, og so mitt eftir Brúnni.
Millum Vík miðjan og Vík uttast: Mitt av Brúnni í Tvørgil, so í steinin á Fløtuni (ls.) og so sama vegin eftir ánni við Frágarðin í sjógv. 3 g.t. vórðu settir, ein mitt á Brúnna, annar í Tvørgil og triði við steinin.
Millum Vík uttast og Bláaberg: Frá gjónni í Hólinum í Kráarheyg (n.), so niðan í vestara enda á niðaru Logntjørn (v.), haðani í ovaru Logntjørn, so mitt niðan eftir Brúnni til varðan norðatil á Tvørgili (úts. - v.). 4 g.t. vórðu setttir, ein á Kráarheyg, annar á heyggin við niðaru Logntjørn, triði sama vegin ovari á Brúnni og fjórði á heyggin oman Ovaru Tjørn.
Millum Bláaberg og Leitið: Mitt av Brúnni í Eyrgilsá millum Klettar (n. - ln.), so áin í sjógv. Mitt á Brúnni varð settur ein g.t.
Vágur 12. september 1868
 
Markini vórðu funnin at vera:
 
Millum Toftahaga og Nes: Frá sjónum marknagarðurin til mitt eystantil á Niðaru øksl, har Porkeris-, Nes- og Toftahagi koma saman, og ein g.t. varð settur.
Millum Toftahaga og Porkeri: Frá einum s. dag settum g.t. mitt eystantil á Niðaru Øksl beinan vegin (norðurhallan útn.) til norðantil á norðasta klett á Ovaru Øksl, har ein g.t. varð settur; haðani í somu leið til mitt á Vágfelli, har eisini varð settur ein g.t. So yvir í eystaru røð á Vágfelli, norður eftir røðini frá norðara enda á røðini, har ein g.t. varð settur, so í garðsendan á Vágsskor (v. - útn.) so upp eftir garðinum (norðurhall. útn.) í røðina, so norður eftir røðini í toppin á Hvammafelli.
Millum Botnhaga og Porkeri: Frá toppinum á Hvammfelli eftir røðini til toppin á Borgarknappinum.
Millum Botnhaga og Bjarghaga í Vági: Av fjallinum Svínagjógv niður í uttara enda á brekkuni í Tindalíð (ús.), í norðaru Túgvu á Riskhamri (ús.), so beint í steinin við Djúpu Viku í Vatninum, úr Vatninum Vatnsá beint í sjógv. 2 g.t. vórðu settir, ein á Túgvuni og annar á brekkuendan.
Millum Botnhaga og Gjógvaráfjall: Frá eggini við Sigið á Fámarastakki, har g.t. varð settur, til Túgvuna oman Marknaskor, har somuleiðis g.t. varð settur, haðani upp á Tindin, har triði g.t. varð settur, alt í somu leið. Frá hesum varðanum heim á Tindin til ein g.t., sum tá varð settur; haðani í ovari enda á Mosagjógv; av tí at henda leiðin ikki var bein, varð víst á hana við 2 g.t., annar á Kassinum undir Fámaraskarði og hin á Mittbánini á Pokøksl, so niður Mosagjógv, Gjógvará og beint í sjógv. Hesi markini millum Botnhaga og Gjógvaráfjall vórðu funnin at vera bein 5. februar 1919 av búnaðarstevnuni og 27. august s. á. av yvirbúnaðarstevnuni.
14. september 1868
 
Markini vórðu funnin at vera:
 
Millum Gjógvaráfjall og Hamrahaga: Úr Rossaveg garðinum á Eiðinum í Vatnið, eftir Vatninum, so Laksá í sjógv.
Millum Hamrahaga og Langadalar: Úr Tindagjógv í Kassin í Kerinum; til at vísa á hesa leiðina vórðu settir 2 g.t. annar á Gjónni og hin við garðin í Kassinum (úrts.v. - ln.eyst.), haðani eftir garðinum í Kátakrógv, so eftir Tormannsá í sjógv.
Millum Langadalar og Tórishagar og Lambhaga, annar og triði tiknir sum einhagi: Nakkin á Rávuni eftir klettinum á norðaru røð í Niðasta Varða (t.d. ein klettur), har øska varð løgd (eyst.), haðani í kelduna á Fjallsenda (ln.), í Túgvuna á Kaldakershálsi (ls.eyst.) í Klyvið á Stórugjógv, so gjógvin í sjógv. 4 g.t. vórðu settir, ein við kelduna, annar á Túgvuna, triði á Kniklinum og fjórði á Núpshálsi. Kongsjørðin varð 18. november 1935 skift út frá ognarjørðini í Tóris- og Lambhaga sum ein serligur hagi, nevndur Núpshagi. Markið millum Núpshaga og ognarjørðina varð sett at vera: Frá einum g.t., sum varð settur niðast á røðini móti Lopransfirði, nakað innan fyri trøðna hjá Napoleon Jacobsen, og haðani beina leið til ein g.t., settur uppi á Rávuni og aftur haðani beinan vegin til girðingina móti Langadalshaga. Millum ovasta og niðasta varðan vórðu settir 3 g.t.
Millum Lamb- og Tórishaga og Lopra: Marknagarðurin á Lopranseiði.
12. juli 1869
 
Hesi markini vórðu sett at vera bein:
 
Millum Botnhaga og Toftahaga: Úr toppinum á Hvammafelli beint niður vestantil klettin uttan Niðastahorn, har g.t. varð settur, so beint í Hattarstein, úr Hattarsteini í endan á Skriðhammri, so eftir neystagarðinum í Longutrøðhorn, haðani niður í bøin í Brekkugerði. Ein g.t. varð settur á Brekkuna á Fjøllum til at vísa á leiðina frá Hvammafelli til varðan vestantil klettin, og annar í uttara enda á Sonkansbrekku til at vísa á leiðina frá Hattarsteini til endan á Skriðhamri. Ein g.t., sum 12/9. 1868 varð settur á Hattarstein, varð standandi. Markið millum Botnhaga og Toftahaga varð 3. juli 1940 sett at vera: Úr toppinum á Hvammafelli eftir røðini, haðani í eystara hornið á Ovasta horni, har g.t. varð settur, haðani til eystasta hornið á Miðhorni, har annar g.t. varð settur, og h aðani beinan vegin til traðargirðingina við Hattarstein. Uttari partur, kongsjørðin, í Toftahaga varð 12. desbr. 1940 skiftur út frá hinum Toftahaganum og markið sett at vera: Frá klettinum norðantil á Vágfelli, har ein g.t. varð settur, í beinari leið til norðantil í brekkuni millum Skarðnanna, har annar g.t. varð settur, haðani í beinari leið til brekkuna í Djúpadølum, har triði g.t. var settur, haðani beina leið vestan fyri uttari støðu í Byrgi, har fjórði g.t. varð settur og haðani beinan vegin til traðargirðingina.
Porkerki, 16. februar 1867
 
Markini vórðu søgd at vera:
 
Millum Porkeris haga og Dalshaga í Hovi: Úr toppinum á Borgini beint niður í Steigan, úr Steigasteini í Eyrgisfoss, so eftir ánni vatn í vatn beinan vegin í sjógv.
12.  september 1868.
 
Markini vórðu funnin at vera:
 
Millum Porkeris haga og Neshaga: Í Klyvunum: frá sjónum eftir Marknagilinum, so eftir Marknagarðinum í urðina við Fjallsenda, haðani norður eftir Brúnni í varðan á Savningarheyggi, so eftir varðanum á Grækarisurð, har fjórði varðin frá Brúnni stendur. So sama vegin (útn. - v.) til marknagarðin eystantil á Niðaru øksl, har settur var ein g.t. og markið endar millum Nes og Toftahaga.
 Hov 24. februrar 1869
 
Markini vórðu funnin at vera:
 
Millum Ytstahaga og Dalshaga: (ln.n. - ús.s.). Úr Túgvini í Hargafelli í fossin á Bjørgum, eftir ánni niður í Skarnsnið, so eftir ánni í sjógv. Til at vísa markið vórðu settir 2 g.t., ein á Túgvuni og annar við fossin á Bjørgum.
Millum Ytstahaga og Hjallaskorarhaga: Frá varðanum á Túgvuni í Hargafelli (ln. - eyst.) í skarðið á brekkuni, sum varð ávíst við einum g.t., so í Bótaskarð (ln.), har annar g.t. varð settur, haðani áin (ln.) í sjógv.
14. mai 1869
 
Markini vórðu funnin at vera:
 
Millum Hjallaskorarhaga og Uppi í Haga í Øravík: Frá Ovara Enni beint í Langhamarskarð, haðani í marknagarðin, so garðurin í sjógv. Á Ovara Enni varð settur g.t.
Millum Hjallaskorarhaga og Dalshaga í Hovi: Frá Túgvuni á Hargafelli eftir røðini í Kolheyggin, so eftir røðini í Neytaskarð; úr Neytaskarði Eggin til Ovara Enni, har ein g.t. varð settur.
Millum Dalshaga í Hovi og Uppi í Haga í Øravík: Frá Ovara Enni g.t., til Middagsgjónna, so eftir røðini í Laðanfelli.
Millum Dalshaga í Hovi og Miðhaga í Fámjin: Frá toppinum á Laðanfelli eftir røðini á toppin á Borgarknappinum.
Øravík 14. mai 1869
 
Markini vórðu funnin at vera:
 
Millum Uppi í Haga í Øravík og Miðhaga í Fámjin: Frá toppinum á Laðanfelli eftir røðini til Nónfjall, so mitt eftir fjallinum.
5. oktober 1869
 
Markini vórðu funnin at vera:
 
Millum Dalshaga og Vestur í Haga í Øravík og Fjallið Mikla í Fámjin: Á sandinum í Valdaskarði, har ein g.t. varð settur.
Millum Vestur í Haga í Øravík og Fjallið Mikla í Fámjin: Frá sandinum í Valdaskarði mitt upp í Klov, so niðan eftir fjallinum til mitt á fjallið (o.u. niður sunnantil av Snævalsheyggi). Til at vísa á hesa leiðina vórðu settir 3 g.t., ein í Klov, annar mitt á fjallinum (sum eisini er marknavarði fyri Miðhagan), og triði longur norðari á fjallinum til at vísa á leiðina millum fyrsta og annan varða. Frá varðanum í Klov gongur markið líka til varðan á Sandi í Valdaskarði.
Millum Vestur í haga og Øravík og Miðhaga í Fámjin: Frá varðanum mitt á fjallinum, sum eisini er marknavarði fyri Fjallið Mikla, suður á brekkuna upp av kelduni á Svarthamri, so í Svarthamarsenda, haðani í Øraskarð, so upp eftir røðini til mitt suður á Nónfjall. Til at vísa á markið vórðu settir 3 g.t., ein í Øraskarði, annar við kelduna og triði við brekkuna oman kelduna.
19. februar 1867
 
Markini vórðu søgd at vera:
 
Millum Uppi í Haga og Dalshaga: Úr Ovara Enni á Middagsgjónni, so eftir røðini í klettin ella knubban í Mannaskarði, úr Mannaskarði eftir røðini í toppin á Laðanfelli.
Millum Uppi í Haga og Vestur í Haga: Frá mitt á Nónfjall beint í Nasan á Hóaklovningi, so beinan vegin í marknakelduna, haðani beint í ánna oman fyri Rygg.
Millum Vestur í Haga og Uppi í Haga: Áin oman fyri Rygg beint upp í kelduna undir Vágsgøtu, frá kelduni beint upp í Krákuurð, so beint upp í sunnara enda á Háaklovningi, haðani beint í Rókarenda.
Millum Vestur í Haga og Dalshaga: Úr sandinum í Valdaskarði eftir Dalsá í sjógv. Tað hagastykkið, sum liggur við markið "Oman fyri Rygg" er eftir kontrakt av 24. mai 1939 semingstykki fyri báðar hagarnar.
Millum Dals- og Líðarhaga í Øravík og Hvammhaga í Trongisvági: Úr marknagjónni eftir røðini í Ornaskarð, úr skarðinum eftir norðaru røð í Ornafjall, úr fjallinum í Marknaklett, úr klettinum í Fosssnið, úr Sniðinum í innara Túgvufoss, so Hellá í sjógv.
Trongisvágur 18. september 1868
 
Markini vórðu funnin at vera:
 
Millum Hvammhaga í Trongisvági og  Dals- og Líðarhaga í Øravík: Hellá av Sandinum í Túgvufoss; úr fossinum í Fosssnið, úr Fosssniðið í kelduna undir Ornafjalli (ús. - v.), so beint upp í fjallið, so eftir fjallsrøðini í Ornaskarð, haðani eftir røðini vestur í Marknagjónna. Keldan við Ornafjall rennur í Hellá og so beint í sjógv. 4 g.t. vórður settir, ein á Túgvufossi, annar á Fosssnið, triði beint yvir kelduni og fjórði á fjallinum.
22. mai 1869
 
Markini vórðu funnin at vera:
 
Millum Ranghaga í Trongisvági og Botnhaga í Fámjin: Frá klettinum sunnan skarðið á fjallinum norður eftir røðini á Nasan í Galvinum, so beint niður í Kúnna Hvítu og so beint niður í hamarin sunnan Gróthúsfoss. Á klettinum, Nasanum, Kúnni og hamaranum vórðu settir 4 g.t., ein á hvørjum stað.
Millum Botnhaga í Fámjin og Botn í Trongisvági: Frá varðanum á hamaranum (nevndur undir 1.) niður í Nasan í Brimgjógv, har g.t. varð settur.
Millum Botn og Ranghaga í Trongisvági: Frá fyrrnevnda varðanum á hamarinum norður Svínstíggjar, undir Veðrarók, so hamarin norður í Eggjarfoss. Ein g.t. varð settur á Eggjarfoss, og til at vísa á leiðina millum Veðrarók og hamarin varð annar g.t. settur í Ravnskjálka.
Millum Botn og Líðarhaga í Trongisvági: Frá Eggjarfossi, har áðurnevndi varðin varð settur, so norður undir Sodnið undir berginum í Keksi. Aftrat hesum er at siga, at Líðin frá gamlari tíð hevur havt rætt til at hava seyð á Teigunum í kava.
Millum Líðina og Ranghaga í Trongisvági: Frá varðanum á Eggjarfossi eftir ánni upp í tjørnina; tætt við ovasta enda á tjørnini varð settur g.t.; so í fossin í Botnskarði, so Stórá til Hvammagjógv.
Millum Ranghaga og Hvammhaga: Av Glugganum niður eftir røðini í Móti til kelduna í Móti, so beint niður í Rangá, so eftir Rangá í Stórá. Til at vísa á leiðina millum kelduna og Rangá vórðu settir 2 g.t., ein við kelduna í Móti og annar á Langhamri.
2. oktober 1871
 
Markini vórðu funnin at vera:
 
Millum Riddalshaga í Trongisvági og Hamrahaga í Hvalbæ: Frá eggini við Drangin við Háls á leið móti Klubbanum til aðru á frá bólinum, haðani upp í eystara kant (røð?) á sunnasta heygnum, so upp eftir eini meira eystligari leið á lánna, á leiðina frá Marknagjógv til Steinin, haðani í steinin niður norðan frá Gásamannskletti, so niðan suður í norðara enda á Gásamannskletti. Til at vísa á markið vórðu settir 6 g.t., ein vestan fyri aðru á frá bólinum, annar á eystara kanti á heygnum, triði á lánni, fjórði longri uppi á leið móti steininum, fimti upp ímóti norðaru síðu á steininum, og sætti á norðara enda á Gásamannskletti. Harumframt varð Hamrahagi settur at ganga til eggina frá Dranginum við Háls til Myrkugjógv og gjógvin í sjógv; stykkið millum Myrkugjógv og Urðina Stóru  hoyra til Riddalshaga og Hamrahaga, helvtin til hvønn hagan.
19. mai 1869
 
Markini vórðu funnin at vera:
 
Millum Líðarhaga og Húsgarðshaga í Trongisvági: Frá Stórá eftir ánni í Hvannagjógv, so í varðan á Tempilskletti.
Millum Húsgarðshaga í Trongisvági og Hamrahaga í Hvalbæ: Frá grótvarðanum á Tempilskletti eystur eftir fjallinum í Gásamannsklett. Til at visa á marknaleiðina vórðu settir 3 g.t., ein á klettinum vestan Mannagjógv, annar mitt á fjallinum eystan Mannagjógv, og triði mitt eystur á fjallinum við Spískastein.
Millum Húsgarðshaga og Riddalshaga í Trongisvági: Frá Gásamannskletti í Bláfoss, so eftir ánni í Stórá. Leiðin frá Gásamannskletti til Bláfoss varð ávíst við 2 g.t., annar millum Gásamannsklett og Heygin á Mýrini og hin á Heygnum á Mýrini, haðani ein á rennur í Bláfoss.
Froðbæ 20. februar 1867
 
Markini vóru funnin at vera:
 
Millum Botnsskarðshaga og Kambhaga: Botnsá upp í Dalsgjógv í klettin á Gininum.
Millum Botnsskarðshaga og Líðar- og Húshaga: Úr klettinum í Gininum í klettin á Rókini, úr klettinum í Stórutúgvu, so í Miðgjógvarfoss, haðani eftir Húsagarðsánni í sjógv.
Millum Kambhaga og Líðarhaga: Úr klettinum í Gininum í Ornakrógv, úr krónni í klettin í Skarðinum, so í Stebbaklett.
Millum Kambhaga og Tvøráhaga: Úr klettinum í gilið, eftir gilinum í Ribbingarmúla.
Millum Líðarhaga og Hús- og Botnskarðshaga: Eftir Húsagarðsánni í Miðgjógvarfoss, so í Stórutúgvu til klettin á rókini, haðani í klettin í Gininum.
Millum Líðarhaga og Kambhaga: Frá Klettinum í Gininum í Ornakrógv, so í Kambsenda, haðani í Klettin í Gili.
Millum Líðarhaga og Tvøráhaga: Úr Klettinum í Gili í Stebbaklett, úr Stebbakletti í Marknakrónna, so í Tvørágjógv, eftir Tvørá í sjógv.
Millum Tvøráhaga og Líðarhaga: Úr Klettinum í Gili í Stebbaklett, úr Stebbakletti í Marknakrónna, so í klettin í Ravnabergi, so beint oman eftir eini veit í Tvørá og eftir Tvørá í sjógv.
Millum Tvøráhaga og Riddalshaga: Marknagarðurin upp í Økslina, so yvir eftir klettinum, eftir ánni í Hundagjógv.
Millum Hvammhaga og Trongisvág: Gráurð.
 8. juni 1869
 
Markini vórðu funnin at vera:
 
Millum Húshaga og Líðar- og Botnskarðshaga: Frá sjónum Húsagarðsáin upp í Miðgjógvarfoss, so út eftir brekkuni í Svarthamar, so niður í Nípugarð. Til at vísa á brekkuna og leiðina frá Miðgjógvarfossi í Svarthamar vórðu settir 2 g.t., ein uttan Smargjónna Lítlu og annar í Kneysabrekku.
Millum Botnskarðshaga og Kambhaga: Botnsá frá sjónum upp Dalsgjógv í Ginini.
22. september 1871
 
Markini vórðu funnin at vera:
 
Millum Tvøráhaga í Froðbæ og Riddalshaga í Trongisvági: Marknagarðurin frá sjónum upp í Økslina, úr Økslini beint í rókina undir Klettinum, eftir rókini í klettin við ánna, úr klettinum beint í Hundagjógv. Til at vísa á marknaleiðina vórðu settir 3 g.t., ein á Økslina, annar á rókini undir Klettinum og triði á klettinum við ánna.
Millum Tvøráhaga innara og uttara part: Úr Myrkugjógv og eftir innantil í Hæddina og í Veilina í hamrinum innanfyri (vestanfyri) klettin millum Fleknar, haðani beinan vegin í sjógv eitt petti uttan fyri trøðna hjá Pætur á Gørðum. Til at vísa á markini vórðu settir 7 g.t., ein á fjørubakkanum eitt petti uttan fyri trøðna hjá Pætur á Gørðum, annar á heygginum uttan fyri ánna, eystast fyri ovast á traðargarðinum hjá Emil Nolsøe, triði á tunguna millum áirnar uttan fyri Djúpagil, fjórði við Veilina á Hamrinum innan fyri klettin millum Fleknar, fimti mitt á  fjallinum innantil á Hæddini, sætti handatil á Hæddini, sjeyndi vestantil í Myrkugjógv.
Hvalbæ 4. og 5. februar 1867
 
Markini vórðu søgd at vera:
 
Millum Fjórðingin og Grímsfjall: Eftir garðinum vestur á Eiði til Vatnið og frá Vatninum eftir Hamaranum.
Millum Grímsfjall og Suður í Haga: Mitt yvir Eiðið í Vatnið og frá Vatninum eftir Heygsá í sjógv.
Millum Hvalbæ og Trongisvág: Móti vestri gjógvin í Geitaskor upp í Nakkin, so mitt eftir røðini á fjallinum í Tempilsklett, frá Tempilskletti eftir eggini í sunnara enda á Gásamannskletti til Klubban, haðani til Drangin í Hálsagjógv.
12. mai 1868
 
Markini vórðu funnin at vera:
 
Millum Uttan Skarð og Norðan Skarð: Áin á Botni upp til Krónna, úr Krónni í Vølin á Skarðinum, alt í beinari leið, úr Vølinum á Skarði niður í Neytagarðin, eftir garðinum í ánna á Hvilvt, so eftir ánni í sjógv. Til at vísa á markið vórðu settir 3 g.ø., ein á Vølinum á Skarði, annar handantil á Vølinum og triði niðantil við krónna á Botni.
Millum Norðan Skarð og Undir Egg: Frá Lambahaga áin heim í Hvalvíksá, so eftir Hvalvíksá glyvrið við Eggjabø.
Millum Norðan Skarð og Úti í Haga: Frá glyvurnum við Eggjabø Hvalvíksá niður í sjógv.
Millum Bjálvaskor og Fjórðingin: Frá eggini beint niður mitt á Einishjól, haðani oman út í Birgisá, á brekkuni í "Domminum", so oman út í Veilína í Sodni, eftir Veilini í sjógv. 3 g.t. vórðu settir, ein á eggina, annar mitt í Einishjóli og triði á brekkuna í "Dommin" við Birgisá.
Millum Suður í Haga og Prestfjall: Úr stínum í Eiðishamri "líka til Volin" upp vestur frá Rossakletti, so beint niður í heyggin oman vestur frá Tippi Pisulundans, so mitt eftir Økslini niður eftir Akslabunguni í kelduna í Akslastíggj.
1. september 1868
 
Markini vórðu funnin at vera:
 
Millum Suður í Haga og Grímsfjall: Mitt yvir Eiðið í Vatnið, úr Heygsvatni áin beint í sjógv. Leiðin frá Heygsvatni yvir Eiðið varð ávíst við 2 g.ø.
Millum Grímsfjall og Fjórðingin: Frá bakkanum móti útnyrðingi garðurin niður í Norbisvatn, so vatnið, úr vatninum áin (Hamarsá) beint í sjógv.
Millum Fjórðingin og Undir Egg: Frá Glyvrabergsnasa út eftir eggini soleiðis: krógvin á Glyvrabergsnasa, so í tann flata steinin uttari á eggini, haðani beinan vegin úteftir. 4 g.ø. vísa leiðina, tann uttasti (eystasti) í útsynning av Turkastíggi.
Millum Fjórðingin og Úti í Haga: Frá varðanum í ús. av Turkastíggi til norðasta marknavarðan, sum varð uppsettur við øsku undir á eggini millum Úti í Haga og Bjálvaskor.
Millum Fjórðingin og Bjálvaskor: Frá varðanum á eggini, nevndur undir 4., í nærum sunnan frá Turkastíggi, haðani yvir eggina í ein g.ø. á vestaru síðu á eggini upp av Einishjól, so beint niður í ein annan g.ø. mitt á Einishjál, so beint niður í uttan ánna í brekkuna í "Dommum", haðani niður út í Veilina á Sodni, eftir Veilini í sjógv.
Millum Bjálvaskor og Úti í Haga: Mitt út eftir eggini til klettin á Gjógv, av eggini niður í Hattarstein og beint niður í ánna uttan fyri "Havirsháls", eftir ánni í sjógv. Til at vísa á leiðina vórðu mitt eftir eggini settir 5 g. ø., tann vestasti millum Turkastíggj og Einishjól og hin eystasti beint upp av Hattarsteini og klettinum á Gjógv. Í 1928 vórðu 2 merkur úti í Haga, sum eru festar Niels Nattestad, skiftar út frá hinum 6 mørkunum, og hesir báðir partarnir hava nú einki saman í felag uttan torvskurð, fuglaveiði og feitilendir. Tær 2 merkurnar, sum nú eita Stórustovuhagi, vórðu útskiftar beinleiðis eystanfyri Bjálvaskorahaga og upp ímóti eggini so langt eystureftir, sum hon kann verja móti seyði; markið gongur so viðari móti eystri í leið móti nøkrum smáum túgvum mitt á eggini: Markið móti eystri, sum er frá gjónni ella ánni beint eystanfyri Klovsteinar og  haðani beint niðan í hagan móti markinum við eggina, hevur soleiðis somu vísing sum girðingin móti Bjálvaskor.
Millum Úti í Haga og Undir Egg: Mitt av eggini niður í Turkastíggj, so niður vestur í ein g. ø., sum 12/5 er settur á klettin upp av klettinum i Gulakstoft, frá hesum varðanum beint niður í glyvrið í Oddanum, eftir glyvrinum í Hvalvíksá.
4. september 1868
 
Markini vórðu funnin at vera:
 
Millum Rókhaga og Knúkhaga: Kletturin á Tanga mitt niðan eftir eggini, upp móti Heynum Stóra, so beint suður í Tempilsklett. Til at vísa leiðina eftir eggini upp til Heyggin Stóra vórðu settir 4 g. ø. og fimti undir Heyggin Stóra. ´Til at vísa beina leið frá hesum varðanum til Tempilsklett varð sætti g. ø. settur á Heyggin Lítla. Markið gongur soleiðis í beina leið eftir varðunum frá klettinum á Tanga til Tempilsklett.
Millukm Knúkhaga og Hamrahaga: Frá Vatnsdalsfossi áin í vatnið, vatnið, úr vatninum áin í Fossagjógv, so áin mitt niðan eftir Tunguni í Vatnsdali Lítla í tað vestaru gjónna og til tann flata klettin á Brúnni, haðani beint í Tempilsklett og ánna við tann flata steinin á Brúnni vórðu settir 2 g. ø. í somu leið sum teir, ið eru nevndir undir 1.
19. mai 1869
 
Markini vórðu funnin at vera:
 
Millum Suður í Haga og Prestfjall: Úr stínum í Eiðishamri, har g. ø. varð settur, upp í fjallið, har ein g. ø. varð settur í brekkuni, so beint yvir fjallið til Vølin upp vestur frá Rossakletti, sum ávíst varð við einum g. ø., so beint niður í heyggin oman vestur frá Tippi Pisulundans, har eisini varð settur g. ø., so mitt niður eftir Økslini, niður Akslabringuna í kelduna í Øksl, so beint niður í bøgarðin. Ein g. ø. varð settur í Akslabringuna og annar við kelduna. Markið millum Suður í Haga og Prestfjall var í 1939 til viðgerðar bæði á búnaðarstevnuni og á yvirbúnaðarstevnuni við tí úrsliti, at tað markið, sum var ásett 1869, var óbroytt.
Millum Prestfjall og Rókhaga: Dalsá upp eftir til fossin í Áartungu, so upp í suður á brekkuna við Ovastabotn, har ein g. ø. varð settur, so somu leið til gjónna í hamrinum, úr gjónni beint upp í ein klett á fjallsrøðini. Á henda klettin, sum eisini er mark fyri Líðarhaga í Trongisvági varð settur g. ø.
Millum Prestfjall og Líðarhaga í Trongisvági: Frá klettinum , nevndur undir 2, mitt vestur eftir fjallsrøðini til Gjónna í Geitarskor, so gjógvin í sjógv. Eystan frá gjónni varð mitt á fjallarygginum settur ein g. ø.´
Millum Rókhaga í Hvalbæ og Líðarhaga í Trongisvági: Frá marknaklettinum millum Prestfjall og Rókhaga, har var g. ø. mitt eystur eftir fjallinum í Tempilsklett. Ein g. ø. varð settur á Tempilsklett og annar mitt á fjallinum eystan fyri Skrubvarða til at vísa á marknaleiðina.
 
 
Kelda: Anton Degn í Varðanum nr. 21 frá 1941.