Lýsing um veiðu av lunda og súlu í Mykinesi

 

Tann 26. juni 2009 varð viðtikið á grannastevnu galdandi fyri árið 2009:

Lundaveiðan: 

  1. Fleygatíðin byrjar 13. juli og endar 8. august
  2. Ikki má fleygast uttanfyri hesar tíðir:
  • Frá 13. juli til 20. juli verður fleygað frá kl. 0700-1100
  •  Frá 21. juli til 30. juli verður fleygað frá kl. 0900-1400
  • Frá 31. juli til  8. august verður fleygað frá kl. 1300-1900

3.         Eigararnir í hvørjum lundaplássi skipa sjálvir fyri, hvussu                 fleygað verður.

4.         Fleygastong má ikki leggjast í sess. Maður má ikki sita í                 sessi uttanfyri tíðirnar nevndar í petti 2. Maður, ið ikki                     brúkar sín fleygarætt, skal siga næsta manni frá.

5.         Lundin má ikki dragast, uttan at eigararnir eru fráboðaðir                 og loyvi er til tess sambært veiðulógini.

6. Serligir reglur fyri Dalin: 

  • Hagapartarnir fleyga 2 lundar uppá hvørja gyllin, t.v.s.
  • Kálvadalur, 7 mk - fleygar 336 lundar
  • Borgardalur Ytri, 4 mk - fleygar 192 lundar
  • Borgardalur Heimari, 6 mk. - fleygar 288 lundar
  • Líðarhagi, 12 mk. - fleygar 576 lundar
  • Heimangjógv, 11 mk. - fleygar 528 lundar 

Tá ið ein heimapartur hevur fleygað sín part, tekur næsti hagapartur við.

Fleygamaðurin skal keypa teir lundar, hann fleygar fyri kr. 5,00 fyri hvønn.

Hagastýrisformenninir taka ímóti pengunum.

 7.       Fleygarættur til aðrar enn ánararnar:

           Uttanoyggjafólk skulu hava eina skrivliga fulltrú frá ánara uppi á sær. Sama er galdandi fyri uppsitarar.

Nýggja skipanin viðv. lundaveiðu er bert galdandi fyri árið 2009 og verður endurskoðað aftur um heystið 2009.

Um eingin onnur skipan viðv. lundaveiðu verður sett í verk, verður farið aftur til skipanina, sum var galdandi áðrenn 2009.

Súluveiða:

Tann 26. juni 2009 var eisini viðtikið á grannastevnu sum fylgir:

  1. Hvør áttingur eigur 3 menn eftir súluni í Hólminum. Súlan verður býtt til menn, bát og línu. Til línuna 16 vælvaldar súlur.
  2. Súlan á drangunum tilfellur teir ánarar/uppsitarar, sum eru í bygdini tann dagin, tá ið líkindi eru at fara í drangarnar
  3. Ein álitismaður verður valdur í hvørjum áttingi, sum fær fráboðan, tá lagt verður til og sær til, hvørjir hesir 3 menninir eru.
  4. Álitismenninir hava skyldu til at boða frá, um menninir eru tøkir ella ikki. Um ikki, kann - um til ber - maður ið leggur til fáa hesar menn til vega.
  5. Tann/teir, ið leggja til, syrgja fyri, at trygdin hjá luttakarunum er so góð sum møguligt, at teir, ið fara niður, eru í trygdarhjálmi, og at radioútgerð er tøk.
  6. Tann/teir, ið leggja til, fáa menn og bát til vega.

Hagastýrismenninir eru útnevndir til at hava tilsýn við, at viðtøkurnar verða hildnar smb. § 15 í grannastevnulógini.

Viðtøkurnar frá 18. juni 1993, sum vórðu broyttar 22. juni 1996 - um lunda- og súluveiðu í Mykinesi - fara samstundis úr gildi.

 

Andras Marr Poulsen

sýslumaður