Grindir, sum hava lagt beinini í Føroyum síðani 1584 fram til dagin í dag.
Tølini eru fingin frá hagtalsskipanini hjá Doretu Bloch á Náttúrugripasavninum, sum á hvørjum ári sendur yvirlitið út.
 
Heimsins elstu veiðihagtøl.
Hagtølini yvir grind í Føroyum er helst heimsins elstu veiðihagtøl. Hagtølini vísa bæði grindahval og døglingar. Tá Sigmundur Brestisson kristnaði Føroyar um ár 1000, hevði samstundis vð sær, at tað framyvir skuldi gjaldast skattur til fyrst norska kongin og seinni danska kongin. Tá hvalaveiðan eisini hevði búskaparliga týdning fyri Føroyar, vórðu hagtøl førd yvir grindahvalir, sum løgdu beinini í Føroyum, so jarðareigarar, kongur, kirkja og bøndur, sum ikki allir búðu í Føroyum, kundu tryggja sær sín part av ágóðanum. Kirkjan førdi yvirlitini fram til trúbótina, tá landið yvirtók hagtalsskipanina, sum vórðu førdar í jarðarbøkurnar. Í dag síggjast hagtøl aftur til 1584 og kanska liggja enn eldri partar av í arkivunum í Vatikaninum í Rom. Tó eru hagtølini frá 1584 til 1641 ikki so fullfíggjaði, meðan bert fá og tilvildarlig hagtøl eru frá 1642-1708 í Gabelstíðini. Men frá 1709 og fram til dagin í dag er hagtølini nágreinilig og samanhangandi.
Hagtølini vísa m.a. navnið á hvalvánni, har grindin legði beinini, dagfesting fyri, nær grindin varð hildin til, talið á hvalum, sum doyðu, støddin á hvørjum einstøkum hvali uppgivin í virðismetingin skinn og hvussu grindin er skift eftir virðisgrundarlagnum í skinnum.
Talið av grindum og grindahvalum í tíðini 1584-1709-2000 og 2000-2017.

 
 
Sí eisini undir "ymisk hagtøl um grind" á hesi síðuni.