Her stóðu fleiri neyst. her áttu allir neyst : Kunoyingar, Skarðsmenn og Haraldssundsmenn. Hetta er kyrrasta staðið á Kunoynni og ofta settu teir upp her tá líkindini vóru vánalig.

Her lá sluppin Carlton í nógv ár. Teir settu hana uppá turt her fyrst í 60 inum og meiningin var at taka hana út aftur, men tað bleiv ongantíð til nakað. Fyrst í 70 inum var Fischer Heinesen her norðuri og negldi tvistar við olju runt um alt skipið og so setti hann eld á. Hon brendi í fleiri vikur, men hann fekk ikki gjørt enda á henni, men hetta var við til at hon viknaði so nógv at nøkur ár seinni bleiv hon endaliga burtur. Tó síggjast onkrar leivdir enn av sluppini.