Hava yrkisskeið um landbúnað

Mentamálaráðið skipar í samstarvi við Búnaðarstovuna fyri Yrkisskeiði innan landbúnað, sum gevur rætt til at festa landsjørð, uttan tey festi, ið hava mjólkneyt.

Undirvísingin fer fram á Búnaðarstovuni í Kollafirði og byrjar 25. oktober 2022 kl. 19.00.  Undirvíst verður týskvøld og hóskvøld kl. 19.00 - 22.15.

Skeiðið er 220 undirvísingartímar og fatar um 6 skeiðspartar, umframt eina skrivliga verkætlan. Skeiðið heldur á til á sumri 2023. Hvør skeiðspartur  endar við próvtøku. Eisini eru nakrar verkligar venjingar.

Skeiðið kostar kr. 3.500,-.  Skeiðsgjaldið skal vera goldið á kontu 6460-171.966.3 í BankNordik, áðrenn skeiðið byrjar. Skeiðsluttakararnir rinda sjálvir fyri bøkur.

Búnaðarstovan skipar fyri tí praktiska í sambandi við skeiðið. Luttakarar, ið ynskja at melda seg til skeiðið, skulu boða frá luttøku í seinasta lagi fríggjadagin 17. oktober 2022. Boðast skal frá við  teldubrævi til bst@bst.fo ella við at venda sær til skrivstovuna á Búnaðarstovuni tlf. 47 90 00. Tá meldað verður til, skulu navn, bústaður, teldupostur, telefonnummar og P-tal upplýsast.

Fólk, sum tørva hetta skeiðið í sambandi við ítøkiliga avtalu um festaraskifti, hava framíhjárætt.

 

Seinastu tíðindi

Hava yrkisskeið um landbúnað

Mentamálaráðið skipar í samstarvi við Búnaðarstovuna fyri Yrkisskeiði innan landbúnað, sum gevur ræt…

Hvør fuglur reiðrast í tínum haga?

Føroya Fuglafrøðifelag er farið undir eina verkætlan at kortleggja fuglastovnarnir í Føroyum við skr…

Rættingarhefti til 3. útgávu av Hagar og seyðamark

Rættingarhefti til 3. útgávu av bókini Hagar og seyðamark, er gjørt og latið bókabúðunum. Tey, sum…