Gransking
Øll gransking byrjar við einum hugskoti og eini ætlan. Men tað krevur góðan gróðrarbotn at seta hetta í verk. Nú kanst tú søkja um stuðul frá Búnaðargrunninum til tína granskingarverkætlan – og harvið menna føroyskan landbúnað.

Endamál
Ein verkætlan fær verið mangt og hvat. Hvussu fáa vit eitt nú landbúnað og ferðavinnu at ganga hond í hond? Hvussu flyta vit seyðahald fram á leið? Ber til at hava eina burðardygga grønmetisframleiðslu? Treytað av, at granskingin mennir landbúnaðin, verða allar umsóknir viðgjørdir við vælvild. 

Umsóknir við frágreiðing kunnu sendast til bg@bg.fo.

OKKARA AÐALENDAMÁL
At menna føroyskan landbúnað
Vit slóða fyri, at føroyskur landbúnaður áhaldandi mennist, við at veita stuðul og lán og at fíggja kostnaðin av at reka jarðarumsitingina.