• Leitisvatn | Mynd: Jan Johannesen, Miðvágur
  • Gáshólmur sæddur frá Tindhólmi | Mynd: Birgit Káradóttir
  • Úti í Haga | Mynd: Signar Strøm
  • Úti í Haga móti Sandvík | Mynd: Signar Strøm

Rættingar til hagayvirlitið

Viðmerkingar og rættingar til heimabeiti.fo
Heimabeiti.fo hevur fingið nakrar viðmerkingar og rættingar til hagarnar og tað takka vit fyri. Rættingar og tillagingar til hagarnar verða so hvørt vit fáa boð um tað.

Farið er undir at fáa bókina Hagar og seyðamark dagførda og útgivna av nýggjum, tá nógvar broytingar eru í høgunum hjá okkum. Tað er tí av stórum týdningi, at vit fáa at vita, um broytingar eru í høgunum síðani síðstu útgávu í 2007.
Vit hava fingið fleiri upplýsingar um broytingar og hesar eru lagdar út hesa heimasíðuna undir Hagar.
Heimabeiti hevur tvey hagayvirlit, sum tit kunnu fara inn á. Tað nýggja við myndum og leinkju til hiking.fo og so tað gamla upprunaliga yvirlitið, sum liggur undir Hagayvirlit.
Tá tit velja høvuðsmyndina Hagar, so ber til at velja øll økir ella eina oyggj. Tá tit hava valt eina oyggj, so koma allir hagarnir, sum hoyra til oynna fram við og til ber at blaða seg niður til tann haga, sum ein ynskir at síggja. Í høgra bredda beint omanfyri hagarnar liggja tveir knøttar - Hagakort og Hagayvirlit. Hesir báðir valmøguleikan vísa ávikavist hagakortið fyri ta oyggj, sum er vald og so gamla hagayvirlitið, sum vit kendu tað frá gamla heimabeitinum.

Heimabeiti.fo ynskir framvegis at hoyra frá brúkarunum av heimasíðuni, so vit hava eina góða og álítandi heimasíðu við teim røttu upplýsingunum.
Vit ynskja, at vita um broytingar í áseyðatalinum, seyðamarki og yvirlitinum við eigara/festara/seyðamonnum ella røktarum.

Tó skal gerast vart við, at eingin av sínum eintingum kann broyta eitt seyðamark í haganum. 

Hvør hagi skal hava sítt mark á øllum seyðinum í haganum ella, um neyðugt, fleiri mark á ymiskum  seyðafylgjum í haganum, sbr. § 20, punkt 3b í hagalógini.

Sama mark kann ikki vera hagamark í tveimum høgum í somu oyggj.

Mál, sum viðvíka markabroytingum, skulu verða viðgjørd á grannastevnu. Sýslumaðurin skal síðan leggja tey fyri Vinnumálastýrið til avgerðar

Eingin annar enn røktingarmenn hagans kann av sínum eintingum marka seyð.

Víst verður annars til Seyðamarking undir Seyðahald.

Seinastu tíðindi

Rættingar til hagayvirlitið

Viðmerkingar og rættingar til heimabeiti.foHeimabeiti.fo hevur fingið nakrar viðmerkingar og rætting…

Skælingur - Norðaripartur

Ein kreativ, góð og upplýsandi mynd av seyðamørkum

Summarheilsan

  Heimabeiti arbeiðir framvegis við dagføring av okkara hagayvirlitum og at fáa nýggj hagakort. Í s…