• Leitisvatn | Mynd: Jan Johannesen, Miðvágur
  • Gáshólmur sæddur frá Tindhólmi | Mynd: Birgit Káradóttir
  • Úti í Haga | Mynd: Signar Strøm
  • Úti í Haga móti Sandvík | Mynd: Signar Strøm

Bókin um hagar og seyðamark.

Hagar og seyðamark - bókin.

Um tit hava broytingar ella rættingar, má hetta gerast skjótast gjørligt fyri at fáa tað við í bókina. Vit hava nú roynt at dagført hagayvirlitini, sum verða brúkt til yvirlitið í bókini, sum væntast út nú í heyst. Tað er ikki so lætt at fáa alt við uttan so, at fólk eisini gera vart við broytingarnar. Tosað er við fleiri heimildarfólk, men helst eru nøkur, sum vit ikki hava fingið fatur á og tí vóna vit, at tit hyggja eftir í yvirlitunum undir Hagar, at alt er rætt skrásett.

Viðmerkingar og rættingar til heimabeiti.fo
Heimabeiti.fo hevur fingið nakrar viðmerkingar og rættingar til hagarnar og tað takka vit fyri. Rættingar og tillagingar til hagarnar verða so hvørt vit fáa boð um tað.

Farið er undir at fáa bókina Hagar og seyðamark dagførda og útgivna av nýggjum, tá nógvar broytingar eru í høgunum hjá okkum. Tað er tí av stórum týdningi, at vit fáa at vita, um broytingar eru í høgunum síðani síðstu útgávu í 2007.
Vit hava fingið fleiri upplýsingar um broytingar og hesar eru lagdar út hesa heimasíðuna undir Hagar.
Heimabeiti hevur tvey hagayvirlit, sum tit kunnu fara inn á. Tað nýggja við myndum og leinkju til hiking.fo og so tað gamla upprunaliga yvirlitið, sum liggur undir Hagayvirlit.
Tá tit velja høvuðsmyndina Hagar, so ber til at velja øll økir ella eina oyggj. Tá tit hava valt eina oyggj, so koma allir hagarnir, sum hoyra til oynna fram við og til ber at blaða seg niður til tann haga, sum ein ynskir at síggja. Í høgra bredda beint omanfyri hagarnar liggja tveir knøttar - Hagakort og Hagayvirlit. Hesir báðir valmøguleikan vísa ávikavist hagakortið fyri ta oyggj, sum er vald og so gamla hagayvirlitið, sum vit kendu tað frá gamla heimabeitinum.

Send upplýsingar til:

karithor@olivant.fo  ella til kari@heimabeiti.fo 

Heimabeiti.fo ynskir framvegis at hoyra frá brúkarunum av heimasíðuni, so vit hava eina góða og álítandi heimasíðu við teim røttu upplýsingunum.
Vit ynskja upplýsingar um broytingar í áseyðatalinum, seyðamarki og yvirlitinum við eigara/festara/seyðamonnum ella røktarum.

 

 

Seinastu tíðindi

Hagayvirlitið og Hagar og seyðamark3

Seinastu dagføringarnar av hagayvirlitinum verða nú gjørdar í samband við útgávuna av Hagar og Seyðm…

Bókin um hagar og seyðamark.

Hagar og seyðamark - bókin. Um tit hava broytingar ella rættingar, má hetta gerast skjótast gjørlig…

Skælingur - Norðaripartur

Ein kreativ, góð og upplýsandi mynd av seyðamørkum.