T LEFT

Leita

T RIGHT
Eru vit umhvørvissvín ella bara líkaglað?
19. oktober 2012
Ymist er, hvussu væl vit fara um okkara náttúru. Nøkur ganga væl um og nøkur minni væl og onnur eru fullkomiliga líkaglað, hvussu tað sær út uttan um okkum. Nú verður sagt frá, at onkur grevur niður leivdirnar frá flettingini og tað er ikki bara bannað, men eisini dálking av okkara náttúru.

Víða um landið ber til at síggja ótespiligar sjónir, har órudd av alkyns slag verður tveitt út í náttúruna. Hetta er ikki nøkur vøkur sjón í okkara annars sera vøkru náttúru. Duga vit ikki sjálvi at síggja tað? Myndin omanfyri er tikin á eini ferð, sum heimabeiti var við í.

Heimasíðan hjá Umhvørvisstovuni - www.us.fo - hevur grein um evnið og ger vart við hesa dálking av náttúruni og okkara umhvørvi.

Vil, vembur, bein og aðrar leivdir frá fletting skulu burturbeinast á skynsaman hátt

Nú heystfjøllini verða gingin, fer Umhvørvisstovan at minna á, at leivdir frá fletting eiga at verða burturbeindar á rættan hátt, og ikki tveitast í ánna, fjøruna ella haganum. Henda dálking av umhvørvinum sær ótespilig út, gevur ringan lukt, og kann verða atvold til smittu.

Leivdir frá fletting, sum ikki eru rætt burturbeindar, men bert tveittar út í ánna.

Heitt verður á fólk um at beina leivdir frá fletting og slakti í bingjur, sum kommunurnar hava standandi til hetta endamál, ella í bingjur til vanligt húsarhaldsburturkast (at brenna).

Ikki grava niður!
Tað er bannað at grava niður leivdir frá flettingini. Í serligum førum ber til at fáa undantaksloyvi, og tá skal umsókn sendast til Heilsufrøðiligu starvsstovuna. Sí heimsíðuna hjá Heilsufrøðiligu starvsstovuni, har tú eisini finnur eitt serligt tema um Heystið.

Les um at gagnnýta skinn o.a. á heimsíðuni hjá IRF.



Sniðgivið og forritað hevur KREA
KREA
Mjólkavirkið Búnaðarmanna