T LEFT

Leita

T RIGHT
Eingin útskifting av Fjalshaga norðastaparti
9. desember 2011
Útskiftingarnevndin, sum varð sett til at meta um og taka støðu til umsóknina um útskifting av Fjalshaga, Norðastaparti, er komin til ta niðurstøðu, at hon metir tað ikki vera heimild í útskiftingarlógini fyri slíkum býti.

Nevndin er ikki sannførd um, at tað er í samsvar við andan í útskiftingarlógini at býta Fjalshaga, Norðastapart, soleiðis at økið niðan fyri landsvegin og ein geiri omanfyri verða frábýtt sum ogn hjá matr.nr. 287a at brúka til golfvøll. V.ø.o. at materiell heimild er eingin í útskiftingarlógini fyri slíkum býti.

Nevndin heldur, at brúkið av haganum og ein møgulig broyting í eigaraviðurskiftunum kann verða loyst í semju við sáttmála eigaranna millum, sum útskifting í semju eftir kap. 12 í útskiftingarlógini ella sum sundurbýtismál eftir matrikullógini. Ansast skal eftir, at eigarheimildirnar eru í lagi, og náttúrufriðingarmyndugleikarnir og Landsverk skulu upp í part, um talan verður um frábýti fram við ánni og landsvegnum.

 

 

 

Gerðabókin, sum liggur á heimasíðuni hjá www.us.fo



Sniðgivið og forritað hevur KREA
KREA
Mjólkavirkið Búnaðarmanna