T LEFT

Leita

T RIGHT
Festi leyst í Svínoy
23. oktober 2009
Búnaðarstovan hevur lýst eitt festi leyst í Svínoy og er hetta fyrsta festi, sum er lýst leyst síðani nýggja lógin um landsjørð kom í gildi.

Við heimild í § 2 í løgtingslóg nr. 45 frá 15. mai 2007 um landsjørð lýsir Búnaðarstovan við hesum niðanfyri nevnda festi leyst:

·         Matr. nr. 87a, vídd 171.857 fermetrar innangarðs

·         Matr. nr. 155a uttangarðs, einbýttur hagi Uppi í Grønu, 2 merkur og 12 gyllin

·         Matr. nr. 155b uttangarðs, 3 merkur í felagshaga Fyri Handan Fjøll (sum íalt er 4 merkur).

Samstundis verða, við heimild í § 6 í løgtingslóg um landsjørð, og treytað av neyðugari fíggjarlógarheimild, niðanfyri nevndu føstu ognir, sum standa á festinum, lýstar til sølu, við hóskandi undirlendi. Ognirnar verða seldar persóni, sum lýkur treytirnar at taka við festinum, og sum hevur hægsta boð. Búnaðarstovan tilskilar sær rætt til ikki at selja ognirnar saman við festinum, um hóskandi boð ikki verður fingið. Harafturat verður frábýtingarkostnaðurin at gjalda av festaranum. Boð undir 1 mió. hava ongan áhugað.

Keypspeningurin fyri ognirnar verður at rinda kontant við yvirtøku av festinum. Umsøkjari skal tí verða til reiðar at skjalprógva, at hann hevur neyðuga fígging.

Persónar, sum lúka treytirnar til jarðarbrúkskunnleika sambært § 2 í kunngerð nr. 95 frá 23. oktober 2007 um umsiting av landsjørð, og sum kunnu lúka treytirnar um bústaðarskyldu sambært § 5 í løgtingslóg um landsjørð, kunnu søkja um festið.

Føstu ognirnar á festinum eru:

·         Fjós á Eiðinum

o    Fóðurhøll við fjósið

o    3 súrhoysbrunnar,

o    Køstur

·         Seyðahús á Eiðinum

·         Seyðahús uppi í Viðurbyrgi

·         Sethús á Eiðinum

Omanfyri nevndu føstu ognir verða, sambært § 11 stk. 8 í løgtingslóg um landsjørð, knýttar at rakstrinum á festinum. Hetta er tó ikki galdandi fyri sethúsini á Eiðinum.

Aðrar fastar ognir eru á festinum, sum ikki eru fevndar av hesi lýsing.

Nærri upplýsingar um festið og føstu ognirnar kunnu fáast við at venda sær til Búnaðarstovuna, tlf. 47 90 00.

Umsóknir um festið saman við tilboði uppá føstu ognirnar skulu vera send Búnaðarstovuni innan 25. november 2009.

 

Kelda: Búnaðarstovan - www.bst.fo

 



Sniðgivið og forritað hevur KREA
Mjólkavirkið Búnaðarmanna
KREA