T LEFT

Leita

T RIGHT
Grindahvalir komnir at landi
7. desember 2008
Í seinastuni er nógvur høggusløkkur komin at landi og í hølunum á høggisløkkinum kemur grindahvalurin. Sunnarfyri og vestanfyri er grind sædd nær landi, so spurningurin er bara um tíð, nær hesin kemur inn á firðirnar.
Higartil er eingin grind hildin til í ár. Í fjør vóru 8 grindir við tilsamans
631 hvalir hildnir til í Føroyum. Samaða skinnatalið var uppá 5411 skinn.
Størsta grindin var hildin til í Sandagerði 27. august og var uppá 231 hval og hevði eitt skinnatal uppá 1950 skinn.
Fyrsta grindin í 2007 var 30. marts í Tjørnuvík uppá 105 hvalir á tilsamans 915 skinn.
Síðani var ein 12. apríl í Hvannasundi uppá 58 hval á tilsamans 432 skinn.
Triðja grindin var í Sandagerði 3. juli, har 30 hvalir løgdu beinini. Skinnatalið var 242.
Fjórða grindin var 12. juli á Norðskála, har 25 hvalir á tilsamans 201 skinn varð hildin til.
Fimta grindin var 13. juli í Hvalvík, har 1 hvalur á 20 skinn legði beinini.
Sætta grindin 13. juli í Syðrugøta har 142 hvalir á tilsamans 1358 skinn løgdu beinini.
Sjeynda grindin var 10. august í Tjørnuvík, har 39 hvalir á tilsamans 293 skinn løgdu beinini.
Áttanda grindin var tann í Sandagerði 27. august.
Tann 17. september gjørdu 3 døglingar landgongd í Sandvík.
So higartil í ár, hevur verið sera soltið við grind.
Bæði landslæknin Høgni Debes Joensen og granskarin Pál Weihe hava mælt til, at føroyingar gevast at drepa grind, tá grindin ikki verður hildin at vera mannaføði longur. Sum støðan er í løtuni, so er eingin vandi á ferð, men einki at ivast í, at nú høggusløkkurin kemur inn á firðirnar, so er grindahvalurin rættliga skjótt aftaná.
Verða henda myndin skjótt søga, um forboð verður sett fyri at halda grind til í Føroyum? (myndina hevur Rannavá og Eystein Løðu, í Bø tikið (sí www.lionking.dk)


Sniðgivið og forritað hevur KREA
KREA
Mjólkavirkið Búnaðarmanna