T LEFT

Leita

T RIGHT
Vinstrakoyring í Vágum
9. august 2007
Í gjár skrivaði síðan um vinstrakoyring í Vágum undir krígnum. Í dag hevur Jógvan Jacobsen, Tórshavn, gjørt vart við, at tað var løgtingið, sum gjørdi samtyktina og at Hilbert sum amtmaður hevði skyldu at staðfesta og kunngera lógir frá løgtinginum.
Jógvan Jacobsen sigur við heimabeiti, at tá vit bert prenta sjálva kunngerðina, fær lesarin tað fatan, at amtmaðurin hevði lóggávuvald undir krígnum. Tað er ikki rætt. Løgtingið hevði absoluttan og óavmarkað lóggávuvald undir krígnum og eftir tað. Amtmaður hevði skyldu til at seta lógir frá løgtinginum í gildi við at staðfesta og kunngera tær.
Jógvan Jacobsen sigur frá, at Føroya Løgting 9. desember 1942 samtykti lógina um vinstrakoyring í Vágum og amtmaðurin staðfesti og kunngjørdi lógina 21. desember sama ár, sum hann eisini hevði skyldu til.
Vinstrakoyringin í Vágum var ikki bara galdandi í 1943, tí løgtingið samtykti í 1943 at leingja tíðarskeiðið til og við 1944.
Løgtingið samtykti eftir samráð við bretsku herdeildina í Vágum, at vanlig høgrakoyring skuldi fáa gildið í Vágum aftur 1. januar 1945. Sostatt varð vinstrakoyring ásett í Vágum frá 1. januar 1943 til 1. januar 1945, tá høgrakoyring aftur fekk gildi.
 
Vit takka Jógvani fyri ískoyti og rættleiðingina.
 
 
Kunngerðin sá soleiðis út:
 
21. December                                                                         Nr. 56
 
Midlertidige Bestemmelser om Venstrekørsel paa Vaagø.
 
I Overensstemmelse med Vedtagelse af Færøernes Lagting stadfæster og udfærdiger undertegnede Amtmand over Færøerne herved følgende
 
§ 1.
Fra og med 1. Januar 1943 indføres midlertidigt Venstrekørsel paa alle Veje paa Vaagø, saaledes at de i Lovgivningen indeholdte Bestemmelser om Motorkøretøjers, andre Køretøjers og Cyklers Færdsels ændres i Overensstemmelse hermed.
 
§2.
Nærværende Bestemmelse har kun Gyldighed indtil 31. December 1943.
 
Færø Amt, den 21. December 1942.
 
Hilbert.


Sniðgivið og forritað hevur KREA
KREA
Mjólkavirkið Búnaðarmanna